Юрген Клопп «Ливерпул» Муҳаммад Салоҳнинг Африка Кубогига кетишига тайёрлигини айтди.

Мерсисайдликлар устози 1 январ кунги «Нюкасл»га қарши ўйин Салоҳ учун 13 январда бошланадиган турнирга жўнаб кетиш олдидан сўнггиси бўлишини тасдиқлади. Қолаверса, «қизиллар» Япония билан Осиё Кубогига йўл оладиган яримҳимоячи Ватару Эндони ҳам йўқотишади.

«Тўпурарни йўқотиш одатий ҳол. Илгари Садио ва Мо кетганида бундан ҳам баттар эди, лекин биз қандайдир тарзда уддаладик.

Одатда улардан камида бири турнирнинг кейинги босқичларига чиқар, бу эса вазиятни янада ёмонлаштирарди. Шундай қилиб, бундан ўтишимиз керак. Вақти-вақти билан Салоҳ Африка Кубогига боришини билардик. Бу ҳар доим аниқ бўлган. Энди Осиё Кубоги иштирокчиси — Эндо ҳам бор.

Биз буни енгиб ўтамиз», — дея Клоппнинг сўзларини келтиради The Guardian. 

Салоҳ бу мавсумда «Ливерпул» сафида 26та ўйинда майдонга тушиб, 16та гол урди ва 8та ассистни ўз ҳисобига ёздириб қўйди. Эндо эса 23та баҳсда 2та гол урди.