«Наполи» президенти жамоа А Серияда 7-ўринда бораётгани учун узр сўради.

18-турда Неапол клуби «Монца» билан 0:0 ҳисобида дуранг ўйнади ва 7-поғонада қолди. 2 очко ортда қолаётган «Аталанта»да захира ўйини бор.

«Ҳозиргача содир бўлган ҳаммаси менинг зиммамда. Айб футболчилар ёки мураббийларда бўлмаслиги керак, тўлиқ жавобгарликни ўз зиммамга оламан. Турнир жадвалидаги ўрнимиз учун неаполликлар ва мухлислардан узр сўрашим керак.

Лекин чемпионат узоқ, қишки трансферлар ойнасида йўқотганларимизни тўлдиришга ҳаракат қиламиз. Сизларга эртак айтмоқчи эмасман, лекин Саудия Арабистонидаги Суперкубокдан қайтганимда, яъни 24-25 январ кунлари денгиз қирғоғида учрашамиз, ёқимли кечки овқат қиламиз ва сизларга ўз қарашларимни айтиб бераман», — деди Аурелио Де Лаурентис.