Карим Бензема номаълум сабабларга кўра Саудия Арабистонини тарк этди.

Al Riyadiya хабарига кўра, франциялик ҳужумчи «Ал Иттиҳод»нинг пайшанба ва жума кунги машғулотларида қатнашмаган ҳамда бугунги «Ат Таи»га қарши ўйин учун қайдномага киритилмаган. 

35 ёшли футболчи номаълум сабабларга кўра Жиддани тарк этган. «Ал Иттиҳод» бош мураббийи Марсело Галярдо воқеа сабабларини изоҳламади.

Аввалроқ Бензема «Ан Наср»дан учралган мағлубиятдан сўнг (2:5) инстаграмдаги саҳифасини ўчириб ташлаганди.