«Насаф» бош мураббийи Рўзиқул Бердиев Осиё Чемпионлар лигаси чоракфинал учун ташланган қуръадан сўнг фикрларини билдириб ўтди.

«ОЧЛ мусобақасининг бу босқичида иштирок этишнинг ўзи катта ютуқ. Учрашувнинг Қаршида бўлиши мухлислар учун катта байрам бўлади деб ўйлайман. Чорак финалда иштирок этаётган жамоалар орасида бирорта ҳам кучсиз рақибнинг ўзи йўқ.

«Ал-Айн» жамоасини яхши биламиз. Улар ушбу мавсумда «Пахтакор» жамоаси билан икки бор беллашишди. Бу бизга рақибнинг имкониятларини чамалаб олишга имкон беради. Биз амирликлар жамоаси билан бўлиб ўтадиган ўйингача яхши тайёргарлик кўришимиз керак бўлади», - дея Бердиевнинг сўзларини келтирган клуб матбуот хизмати.

Маълумот учун, 1/8 финалнинг дастлабки беллашувлари 12-13 феврал кунлари, жавоб баҳслари 19-20 февралда ўтказилади.