Педри Испания Суперкубогида майдонга тушмайди.

«Барселона» яримҳимоячиси ўтган ҳафта машғулот пайтида мушакларидан жароҳат олган ва 2-3 ҳафтани ўтказиб юбориши хабар қилинганди.

Бироқ Mundo Deportivo ёзишича, жароҳат дастлаб тахмин қилинганидан ҳам жиддийроқ бўлиб чиқди. Каталония клуби мураббийлар штаби шифокорлар ва физиотерапевтлар билан вазиятни муҳокама қилишди ҳамда яримҳимоячи январ ойи ўрталарида бўлиб ўтадиган Испания Суперкубоги ўйинларини ўтказиб юбориши керак, деган хулосага келишди.

Таъкидланишича, футболчи аввал ҳам шундай жароҳат олган ва вазиятни оғирлаштирмаслик учун шошилиш ярамайди. 

Тиббий текширувга кўра, Педри январ ойи охирида сафга қайтиши мумкин.

«Барселона» Испания Суперкубоги яримфиналида «Осасуна» билан куч синашади. Беллашув 11 январ куни бўлиб ўтади.