Алехандро Гарначо «Боксинг дэй»да дублга эришган энг ёш футболчига айланди. 

«Манчестер Юнайтед» вингери буни 19 ёшу 178 кунлигида «Астон Вилла»га (3:2) қарши 19-тур баҳсида амалга оширди. 

Аргентиналик футболчи бу борада 1999 йили 20 ёшу 12 кунлигида 2та гол урган «Ливерпул» собиқ ҳужумчиси Майкл Оуэнни ортда қолдирди.

«Боксинг дэй» (инглизча Boxing day — «Совғалар куни») — инглиз футболи анъанаси бўлиб, Рождествонинг эртасига — 26 декабрда чемпионат ўйинларини ўтказишни билдиради.