«Астон Вилла»га (3:2) қарши АПЛ 19-турида дублга эришиб, «Манчестер Юнайтед»га ғалаба келтирган Алехандро Гарначо ўйиндан сўнг ўз фикрлари билан ўртоқлашди. 

«Ажойиб туйғу. Биз «Манчестер Юнайтед»миз. 0:2 ҳисобида мағлуб бўлаётгандик, лекин ҳеч қачон таслим бўлмаймиз ва бу жамоадан ажойиб камбэк бўлди. 

Ҳа, мен вазиятни назорат қилишга ҳаракат қилмоқчи эдим. Ўйинга қайтишимиз учун фақат 1та гол кераклигини айтдим. Биринчи голни урдим, аммо офсайд эди. Лекин айтганимдек, ҳеч қачон таслим бўлмаймиз, шунинг учун яна гол уриб, прессингни давом эттирдик. Ҳойлунд ҳам лигадаги биринчи голини урганидан жуда хурсандман.

Кўпчилик «МЮ» ҳужумчилари кам гол уриши ёки узатма бермаслигини айтади. Лекин бугун сиз Рэшфорд, Расмус ва мендан гол ҳамда узатмалар кўрдингиз. Ҳамма жуда хурсанд. 

Бу «МЮ»нинг ўйинига ўхшади. Мамнунман, ҳаётимдаги энг яхши кунлардан бири бўлди», — дея аргентиналик вингернинг сўзларини келтиради ВВС.