«Палмейрас»нинг 16 ёшли ҳужумчиси Эставен Виллиан Европа топ жамоаларининг қизиқиш доирасида бўлиб турибди. 

«Мессиньо» ёки «кичик Месси» номи билан танилган вундеркинд «Барселона»га ўтишни хоҳлашини айтганди, аммо каталонияликлар молиявий муаммолар туфайли иккиланишмоқда. 

Мundo Deportivo'га кўра, «Манчестер Сити», «Манчестер Юнайтед», «ПСЖ» ва «Челси» трансфер учун сўралаётган 60 миллион еврони тўлаши мумкин. 

Шундай бўлсада, у Европада 2025 йилнинг ёзигача, яни 18 ёшга тўлгунга қадар ўйнай олмайди. 

Эставен бу мавсум Сан-Паулу клуби сафида дебют ўтказди. Шунингдек, у Бразилия U-17 жамоаси сафида 5 ўйинда 3та гол урган.