Ўзбекистон миллий жамоасининг собиқ сардори Одил Аҳмедов «Анжи»даги фаолияти ҳақидаги саволларга жавоб берди. 

— «Анжи»да қайси воқеа сизни кўпроқ ҳайратлантирган? 

— Раҳбар Сулаймон Каримов Роберто Карлосга «Бугатти» ўйинчоғини совға қилганида, унинг ичида ҳақиқий машинанинг калитлари бор эди. Карлос — жуда содда, ижобий инсон. Ўзини тутишидан уни ҳеч қачон футбол афсонаси деб ўйламайсиз. 

— Игор Денисов жамоадаги қора танли футболчилар ҳақида жуда ёмон гапларни айтган... 

— Денисов — характерли футболчи. Ўйинларнинг биридан кейин у Буссуфа ёки Диарра билан жанжаллашиб қолган ва жамоада можаро бошланган. Жамоа парчалана бошлаган. Кўп ўтмай Гус Ҳиддинк кетди, биз жамоанинг мақсадлари ўзгариши ва ҳамма клубни тарк этиши мумкинлиги ҳақида хабар олдик. 

Ҳиддинк авторитет эди, аммо жамоада деярли ҳамма нарсани Самуэл Это'О ҳал қилган. У ғалаба қозонишни, гол уришни ва клуб учун жуда кўп яхши нарсаларни қилишни хоҳлаган. Масалан, у администраторлар ва клубнинг бошқа ходимлари учун футболчилардан бонуслар йиғиб олган.

Это'О, шунингдек, «Реал»да содир бўлган узоқ йиллик тушунмовчилик туфайли Карлосни жамоадан олиб ташлаган. Бразилиялик ҳимоячининг четлатилиши фойдали бўлган. Ҳурмат сақлаб айтганда, у 40 ёшга яқинлашиб қолган ва аввалгидек эмасди», — дея Аҳмедовнинг сўзларини келтиради Setanta Sports.