«Челси» бош мураббийи Маурисио Почеттино АПЛ 18-туридан ўрин олган «Вулверҳэмптон» билан ўйиндан (1:2) кейин ўз фикрларини билдирди. 

«Хатолар қилдик ва бунга ўзимиз айбдормиз. Шу боис бугун ғалаба қозона олмадик — биринчи бўлимда гол уриш учун имкониятларимиз бўлди. Премер-лигада вазиятлар пайтида етарлича совуққон бўлмаслик орқали доим тўп ўтказиб юборишингиз мумкин.

Иккинчи бўлимнинг дастлабки беш дақиқасида курашмадик, дарвозамизга жуда кўп бурчак тўпини олиб келдик. Бундай пайтда асосийси — курашиш ва кучлироқ бўлиш.

Ўзимизга ўзимиз душман эканлигимизга қўшиламан. «Вулверҳэмптон»нинг ғалабасини инкор қилмоқчи эмасман, улар гол уришди ва ўз ишларини қилишди. Лекин биринчи бўлимда биз кучлироқ эдик. Гол уролмаганимиз учун ғалаба қозона олмадик», — дея лондонликлар устозининг сўзларини келтиради ВВС.