«Милан» бош мураббийи Стефано Пиолини айни дамда истеъфога чиқармасликка қарор қилди.

La Gazzetta dello Sport хабарига кўра, клуб раҳбарияти асосий ўйинчилар билан гаплашган, етакчиларнинг катта қисми мураббийни қўллаб-қувватлашган.

Катта эҳтимол билан италиялик мутахассис мавсум охиригача «россонери»ни бошқариши мумкин.

Таъкидланишича, «Тоттенҳэм»ни тарк этганидан сўнг — 2023 йил март ойидан бери ишсиз бўлган Антонио Конте ёзда «Милан»га таклиф қилиниши мумкин. Ёшлар жамоаси мураббийи Игнацио Абате номзоди ҳам кўриб чиқилмоқда.

«Милан» А Серия жадвалида 3-ўринда бормоқда ва 2-поғонадаги «Ювентус»дан 7, пешқадам «Интер»дан эса 11 очкога ортда.