Аурелио Де Лаурентис Руди Гарсияни «Наполи» бош мураббийи этиб тайинланганидан афсусда.

Франциялик мутахассис ёзда жамоа бошқарувига келиб, ноябр ўрталарида ишдан бўшатилганди.

«Тақдимотдаёқ уни ҳайдаб юборишим керак эди. У менга «Наполи»ни билмаслигини, жамоанинг бирорта ҳам ўйинини кўрмаганини айтди. У буни бир неча бор такрорлади.

Гарсия Спалеттининг футболини сақлаб қолса кифоя эди. Бунинг ўрнига у мендан ажойиб мураббийни ишдан бўшатишимни талаб қилди, ўрнига ўз ёрдамчисини олиб келди», — деди неаполликлар президенти Corriere dello Sport'га берган интервюсида.