«Ливерпул» бош мураббийи Юрген Клопп АПЛ 18-туридан ўрин олган «Арсенал»га қарши ўйин олдидан ўз фикрларини билдирди. 

«Назаримда, «Арсенал» ўтган мавсумдаёқ чемпионликка давогардек кўринди, аммо кейин индивидуал хатолар туфайли мусобақадан чиқиб кетишди. Бошқа аниқ сабабларини билмайман.

Бу жамоа жуда кучли эди, энди улар Деклан Райс, Давид Райя ва бошқа футболчилар билан шартнома имзолашди. Жамоа бундай трансферлардан кейин кучсизроқ бўлиб бўлмайди.

Артета айнан ўзи хоҳлаган жамоани қуриш имкониятига эга эди. Улар жисмоний куч, яхши техника ва ташкилотчилик уйғунлигига эга. Рақиб яхши ўқитилган ва тайёрланган.

Улар олдинга қадам ташлашди ва бунга ҳурматим чексиз, аммо бизга очколар керак», — дея мерсисайдликлар устозининг сўзларини келтиради BBC. 

«Энфилд»даги баҳс бугун, 23 декабр куни Тошкент вақти билан соат 22:30да бошланади.

Турнир жадвалида «Арсенал» 39 очко билан биринчи, «Ливерпул» 38 очко билан учинчи бўлиб турибди.