ПФЛ Суперлига-2023 мавсум якунларига биноан, томошабинлар ташрифи бўйича статистикани эълон қилди.

Унга кўра, «Нефтчи» клуби томошабинлар ташрифи бўйича пешқадамликни яна сўнгги турларда «Навбаҳор»га топширди. Намангандаги ўйинларда бу йил ўртача 12 615 томошабин келган бўлса, Фарғонадаги баҳсларда ўртача 12 083 томошабин ташрифи кузатилди. Учликни яна бир водий клуби – «Андижон» ёпиб берди. Александр Хомяков шогирдларининг ҳар ўйинига ўртача 7213 томошабин стадионга тушган. 

«Бухоро» Суперлига билан хайрлашиб, Про лигага равона бўлган эрса-да, жамоа мухлислар ташрифи бўйича тўртликдан жой олди – 5 873 томошабин.

Бешликдан кумуш медали соҳиби «Насаф» жой олган. Рўзиқул Бердиев шогирдларининг Қаршидаги ўйинларида ўртача 5 030 томошабин келган. Навбатдаги чемпионликни нишонлаган «Пахтакор» мухлисларнинг ташрифи бўйича 8-ўриндан 6-поғонага кўтарилди. Жамоанинг ўйинига ўртача 3610 томошабин келган.

Бунгача энг кам ташриф «Сурхон»нинг ўйинида (1115 томошабин) йиғилаётганди. Бу Термиз жамоасининг ўз ўйинларини Тошкентда ўтказаётгани билан боғлиқ. Сўнгги турларда эса «Олимпик»даги ўртача ташриф 1098 томошабинга тушиб кетди. Шу тариқа, бу клуб мухлислар сони бўйича жадвалда сўнгги ўринга тушди.

Суперлига-2023. Томошабинлар ташрифи якуний жадвали: