«Реал» бош мураббийи Карло Анчелотти Ла Лига 18-туридан ўрин олган «Алавес»га қарши ўйиндан (1:0) кейин ўз фикрлари билан ўртоқлашди. 

«Жамоа катта куч сарфлади ва ўйлайманки, якунда улар ғалабага муносиб бўлишди.

Ўйин жуда қийин кечди. Камчиликда бўлганимизда кўпчилик рақиб гол ура олади, деб ўйлаши мумкин, аммо жамоамиз мисли кўрилмаган кучга эга. Рақибни яхши ушлаб турдик, жуда яхши ҳимояландик ва мукофотландик.

Лукас Васкеснинг ўйинига келсак, у кетма-кет иккинчи ўйинда жарима майдончаси ичида пайдо бўлмоқда, чунки у ерда жуда фаол ўйнайди. Бу ўйинда у гол урди ва «Вилярреал» билан аввалги баҳсда (5:1) голли узатма амалга оширганди. Гавдаси бўйича у энг катта футболчи эмас, лекин жарима майдончаси ичида хавфли кўринади.

Биз учун оғир ўйин бўлди, аммо жамоанинг фидойилиги эвазига ғалаба қозондик», — дея италиялик мутахассиснинг сўзларини келтиради Marca.