«Барселона» президенти Жоан Лапорта жамоадаги пасайиш сабаби ҳақида гапирди. 

«Мен буни Педри ва де Йонгнинг узоқ вақт давомида йўқлиги билан боғлайман, улар билан тўпни назорат қиламиз. Ўйлайманки, бу — ўтган йилдан бери кучайиб бораётган таркибнинг биз кутган даражага чиқа олмаганининг асосий сабабларидан бири.

Футболчиларнинг тикланиши билан ўз даражамизга қайтяпмиз ва формамиз янада яққол намоён бўлмоқда. Тўп назоратига эришамиз деганда мувозанатни таъминловчи Гавидек футболчи жароҳат олди. Лекин ишончим комилки, жамоа бундан кўпроқ ютуқларга эришади. Январда яна бир яримҳимоячи келиши мумкин», — дея Лапортанинг сўзларини келтиради AS.