Англия Премьер-лигасида истеъфо юз берди.

«Ноттингҳем Форест» клуби жамоа устози Стив Куперни истеъфога чиқарди. Клуб сўнгги 6 ўйиндан 5тасида мағлубиятга учрагач, раҳбарият бош мураббийни истеъфога чиқаришга қарор қилди. Стив 2021 йилдан буён жамоани бошқариб келаётган эди.

Инсайдер Фабрицио Романо хабарига кўра, «Ал-Иттиҳод» собиқ бош мураббийи Нуну Эшпириту Санту жамоа устозига айланади. У тез орада Лондонга етиб келиши кутилмоқда. Португалиялик мураббий АПЛда «Вулверҳэмптон» ва «Тоттенҳэм» клубларини бошқарган эди.

Маълумот учун, «Форест» АПЛда 14 очко билан 17-ўринда бормоқда.