Суперлига янги мавсумига тайёргарликни Тошкентда бошлаган «Нефтчи» клуби таркибида ўзгаришлар кузатилган.

Клуб матбуот хизмати хабарига кўра, Виталий Левченко бошқарувидаги жамоани 3 нафар футболчи тарк этган.

«Жамоамиз таркибида бир неча йилдан буён фаолият олиб борган тажрибали футболчилар Абдуллоҳ Олимов, Иззатилла Абдуллаев ва Суннатилло Абдуллажонов жамоамизни тарк этди.

Абдуллоҳ Олимов, Иззатилла Абдуллаев ва Суннатилло Абдуллажоновга аҳил жамоамиз номидан келажакдаги фаолиятига омад ёр бўлишини , жамоамиз равнақи йўлида қўшган хиссаси учун миннатдорчилик билдирамиз», - дейилади клуб хабарида.

Аввалроқ, клуб Санжар Қодирқулов, Шохруз Норхонов трансферини эълон қилганди.