«Манчестер Юнайтед» бош мураббийи Эрик тен Ҳаг АПЛ 17-туридан ўрин олган «Ливерпул» (0:0) билан ўйиндан сўнг ўз фикрларини билдирди. 

«Кўп ижобий жиҳатлар бор эди, шубҳасиз. Ўйлайманки, жамоамиз томонидан жуда яхши ўйин бўлди.

Режа яхши ишлади. Футболчилар ажойиб тарзда ҳамжиҳат бўлишди ва яккакурашларда қатнашишди.

Жамоани танқид қилишим мумкин бўлган ягона жиҳат — тўпга эгалик қилиш. Агар баъзи лаҳзаларда бир, икки ёки учта кўпроқ узатма берганимизда, рақибга кўпроқ муаммо туғдирган бўлардик.

Аммо бу — таъкидланиши мумкин бўлган фақат битта элемент. Умуман олганда, агар биз голли вазиятлардан бирини голга айлантирганимизда, ғалаба қозонишимиз мумкин эди.

«Ливерпул» — жуда кўп ҳаракат қиладиган, ҳужумкор жамоа. Уларга қарши жуда интизомли ҳимояланишингиз керак ва бу жамоам учун катта илтифот — улар руҳ, иштиёқ ва истак кўрсатишди.

Бизда яхши таркиб, жамоа бор ва бу мавсумдан фойда олишимиз мумкин», — дея нидерландиялик мутахассиснинг сўзларини келтиради ВВС.