ЦСКА клуби матбуот хизмати ноябр-декабр ойининг энг яхши ўйинчисини аниқлаш учун сўровномани якунлади.

Унга кўра, Аббосбек Файзуллаев навбатдаги маротаба Москва клубининг энг яхши ўйинчиси деб топилди.

Ўзбекистонлик ўйинчидан ташқари, Виллиан Роша, Иван Обляков, Келлвен, Федор Чалов ва Антон Заболотний ҳам ноябр-декабр ойларида даъвогарлар қаторидан жой олганди.

Қайд этиш жоиз, ЦСКА телеграм каналидаги сўровномада Файзуллаев жами овозларнинг 80 фоизига эга чиқиб, пешқадамлик қилган.

Маълумот учун, Файзуллаев бунгача сўнгги икки ой – сентябр ва октябрда ой лауреати деб топилганди. Шу тариқа, у ЦСКАда тўлиқ фаолият бошлаган сўнгги 4та ойда ҳам тенгсиз ўйинчи деб топилди.