«Ливерпул» бош мураббийи Юрген Клопп жамоа тақвимининг тиғизлиги ҳақида гапирди. 

«Қийин давр. Чоршанба куни биз «Вест Ҳэм»га қарши ўйнаймиз (Лига кубоги чоракфиналида). Улар ҳозирда жуда яхши формада. Кейин «Арсенал» (23 декабр) ва «Бёрнли» (26 декабр) кутмоқда. Бу даҳшатли.

Биз бу даврда етарлича очко тўплашимизга ишонч ҳосил қилишимиз керак, аммо ундан кейин ҳам катта ўйинлар ўтказамиз.

Бу ўйинларни иложи борича кўпроқ футболчилар билан ўтказишимиз муҳим», — деди германиялик мутахассис «МЮ» билан баҳсдан (0:0) кейин.

Маълумот учун, Мерсисайд клуби АПЛда 17-турдан сўнг 38 очко билан 2-ўринни эгаллаб турибди.