Рой Кин Виржил ван Дейкнинг «Манчестер Юнайтед» ҳақидаги сўзларидан ғазабланди.

АПЛнинг 17-турида «Ливерпул» ва «Манчестер Юнайтед» «Энфилд»да дуранг ўйнади (0:0).

Баҳсдан сўнг ван Дейк мерсисайдликларнинг ҳар томонлама устунлиги ҳақида гапирди: «Фақат бир жамоа ғалаба қозонишга ҳаракат қилди. «Ливерпул» ҳар томонлама яхшироқ эди. Улар бир очкодан хурсанд, бизнинг эса ҳафсаламиз пир бўлди».

«Ван Дейк «Манчестер Юнайтед» ҳақида шундай гапириб, такаббурлик қилди. Унга ҳам эслатиб ўтиш керак: у 30 йилдан ортиқ вақт ичида фақат бир марта чемпион бўлган клубда ўйнаяпти. 

Унинг айтишича, фақат бир жамоа ютишни хоҳлаган, «Юнайтед» бир очкодан хурсанд. «МЮ» қийин аҳволда, лекин «Ливерпул» кўп йиллар давомида шундай ҳолатда эди», — деди манкунианликларнинг собиқ сардори Sky Sports эфирида.