«Сочи» Испания миллий жамоасининг собиқ устози Робертo Моренони бош мураббий этиб тайинлади.

Жанубликлар 46 ёшли испаниялик мутахассис билан узоқ муддатли шартнома имзолаганини маълум қилишди. 

Моренонинг сўнгги иш жойи «Гранада» бўлиб, у 2022 йилнинг мартида жамоани тарк этганди. У «Монако»да ва Испания миллий жамоасида (10 ўйинда) ҳам мустақил ишлаган.

Ёрдамчи сифатида эса Луис Энрикега «Барселона Б» (2008-2011), «Рома» (2011-2012), «Селта» (2013-2014), «Барселона» (2014-2017) ва Испания миллий жамоасида (2018-2018) кўмаклашган. 

18-турдан кейин «Сочи» 11 очко жамғариб, РПЛ турнир жадвалида охирги ўринни эгаллаб турибди.