«ПСЖ» бош мураббийи Луис Энрике клуб футболчиларини кузатишни ташкил қилди, деб ёзади L'Equipe. 

Манбага кўра, Энрике ўйинчиларнинг яширин зиёфатларга бораётгани ёки бормаётганини аниқлаш учун ёрдамчисини Париж тунги клубларига юборган. Шунингдек, футболчиларнинг ижтимоий тармоқлардаги саҳифалари ҳам текширилмоқда. 

Қолаверса, Энрике жамоа учун машғулот базасида мажбурий рўйхатдан ўтиш тизимини жорий қилди.

Қайд этилишича, испаниялик мутахассисда тартиб-интизом унинг мураббий сифатидаги асосий тамойилларидан бири бўлган.

Луис ҳар доим кийиниш хонасида тартибни сақлашни яхши кўрган ва ташқи чалғитувлар унинг ўйинчиларига зарар етказиши мумкин деб ҳисоблаган.