Леандро Паредес Аргентина миллий жамоасида Алехандро Гарначони масхара қилишларини айтди.

«Манчестер Юнайтед»нинг аргентиналик вингери бир неча бор португалиялик Криштиану Роналдуни ўзининг кумири деб атаган.

«Биз у билан ҳазиллашамиз, жиғига тегамиз. Бечора жуда уятчан, жавоб қайтармайди. У ўзини жамоанинг бир қисми сифатида қулай ҳис қилишига уриняпмиз. 

Роналду — унинг кумири. Алехандро доим унга тақлид қилган ва шундай ўйнайди. Бу — нормал ҳолат. Шубҳасиз, у миллий жамоага келганида мослашиши керак, чунки бизда ўз кумиримиз (Месси) бор, ҳа-ҳа», — деди «Рома» яримҳимоячиси  DSports'га берган интервьюсида.