Алексис Мак Аллистер жароҳати сабаб «Ливерпул»нинг бўлажак ўйинларини ўтказиб юборади.

Мерсисайдликлар бош мураббийи Юрген Клопп бу ҳақда гапирди. Унга кўра, аргентиналик яримҳимоячи пайшанба куни Европа Лигасида «Юнион Сент-Жиллуа» ва якшанба куни АПЛда «Манчестер Юнайтед»га қарши баҳсларда майдонга тушмайди. 

Мак Аллистер ўтган чоршанба куни «Шеффилд»га қарши ўйинда (2:0) жароҳат олган ва 59-дақиқада алмаштирилганди.

«Мен, албатта, шифокор эмасман, лекин деярли ҳар куни улар нима учун футболчилар тайёр эмаслигини тушунтириб беришади. Шуниси аниқки, ҳаммаси биз ўйлаганимиздан бироз мураккаброқ.

Шифокорлар унинг тиззасини кўришди. Оғриқ йўқолгунча кутишимиз керак», — деди германиялик мутахассис.