Дестини Удожи «Тоттенҳэм»да ўйнашда давом этади. 

Лондон клуби 21 ёшли ҳимоячи билан янги келишув тузилганини эълон қилди. У 2030 йил ёзигача мўлжалланган.

«Тоттенҳэм» италиялик футболчини 2022 йил августда «Удинезе»дан сотиб олган ва уни бир мавсум А Серия клубида қолдирганди. Ҳимоячи бу мавсумдан «шпорлар» сафида ҳаракат қилмоқда. 

Удожи бу мавсумда АПЛда 14та ўйин ўтказиб, 1та гол урди ва 2та ассистни ҳам ўз ҳисобига ёздириб қўйди.