«Манчестер Юнайтед» бош мураббийи Эрик тен Ҳаг ЕЧЛ 6-туридан ўрин олган «Бавария» (0:1) билан ўйиндан сўнг ўз фикрларини билдирди. 

Манчестер клуби 4 очко билан гуруҳда сўнгги ўринни эгаллади ва еврокубокларсиз қолди. 

«Биз Чемпионлар Лигасида ўйин борасида ютқазмадик, буниси аниқ. Яхши ўйинлар ўтказдик. Бугун ҳам ўйлайманки, жуда яхши ўйнадик ва мағлубиятга лойиқ эмасдик, аммо ютқаздик. 

Ҳимояланиш нуқтайи назаридан жуда яхши ҳаракат қилдик ва прессингда ажойиб ишладик. Кучли рақибга қарши ўйнадик. «Бавария» ёпилган тақдирда ҳам, битта имконият яратиш учун индивидуал маҳоратли ўйинчиларга эга. Афсуски, шундай бўлди», — дея манкунианликлар устозининг сўзларини келтиради УЕФА расмий сайти.