«Насаф» клуби яна бир ҳужумчиси билан хайрлашганини расман эълон қилди.

«Насаф» футбол клуби ва аргентиналик ҳужумчи Андрес Чавез билан тузилган ҳамкорлик ўз ниҳоясига етди. 

Мавсумнинг иккинчи ярмида келиб қўшилган футболчи жамоамизга совринларни қўлга киритишга ўзининг муносиб ҳиссасини қўшди. Ҳужумчи клубимиз аъзолари билан дўстона хайрлашди. Биз ҳам жамоамизнинг кўп сонли мухлислари номидан футболчининг кейинги фаолиятига омад тилаймиз», - дейилади клуб хабарида.

Қарши клуби куни кеча бразилиялик ҳужумчиси Лима Круз билан ҳам хайрлашганди. 

Маълумот учун, Чавез Суперлига жорий мавсумида 10 ўйинда битта голга муаллифлик қилди.