Ражаб Тоййиб Эрдўған «Анкарагужу» президентининг ҳакамга қилинган ҳужумини қоралади.

Туркия чемпионати 15-туридан ўрин олган «Ризеспор»га қарши баҳс (1:1) якунида «Анкарагужу» президенти Фарук Кожа майдонга югуриб чиқиб, ҳакам Ҳалил Мелернинг юзига урди. Ҳакам йиқилгач, яна икки киши уни тепкилади. 

«Бугун оқшом бўлиб ўтган «Анкарагужу» — «Ризеспор» ўйинидан сўнг ҳакам Халил Умут Мелерга қилинган ҳужумни қоралайман ва унга тезроқ тузалиб кетишини тилайман.

Спорт тинчлик ва биродарликдир. У зўравонлик билан мос келмайди. Биз турк спортида зўравонликка ҳеч қачон йўл қўймаймиз», — дейди Туркия президенти ижтимоий тармоқда.