«Жирона» бош мураббийи Мишел Санчес Ла Лига 16-туридан ўрин олган «Барселона»га (4:2) қарши баҳсдан сўнг ўз фикрлари билан ўртоқлашди. 

«Биз бахтлимиз. Бу — ажойиб «Барса». Деталлар ҳал қиладиган ўйин бўлди. 

Биринчи бўлимда «Барселона» устунликка эришди, аммо танаффусдан кейин тўпни яхши назорат қилдик. Уларда ҳам, бизда ҳам имкониятлар бўлди, аммо биз аниқроқ эдик.

Ўйин темпи жуда юқори эди, биз учун қийин бўлди, аммо менталитетимиз жуда яхши. Мен Ла Лигада 100та ўйин ўтказганимдан ва «Барселона»га қарши биринчи ғалабани қўлга киритганимдан жуда хурсандман.

Катта қийинчиликларни кутгандик, айниқса, биринчи бўлимда, лекин жамоамнинг юраги бор – биз кўп нарсага қодир эканлигимизга ишонамиз.

Биринчи мақсад ўзимизни қуйи лигага тушиб кетишдан ҳимоя қилиш эди. Энди Европада ўйнашни истаймиз ва бунга қўлимиздан келганича уринамиз», — дея Мишелнинг сўзларини келтиради Diario Sport.

«Жирона» Ла Лигада 41 очко билан пешқадамлик қилмоқда.