«Манчестер Юнайтед» яримҳимоячиси Каземиро жароҳатидан тикланиб, жамоа машғулотларига қайтди. Бу ҳақда клуб матбуот хизмати хабар берган.

31 ёшли бразилиялик футболчи октябр ойидан буён «МЮ» сафида майдонга тушмаётганди. У Бразилия миллий жамоаси сафида жароҳат олиб, тикланиш жараёнини ўтказаётганди. 

Каземиро якшанба кунидан жамоа машғулотларига қайтган. Қайд этилишича, у сешанба куни ЕЧЛ 6-тури доирасидаги «Бавария» ва якшанба кунги АПЛ доирасидаги «Ливерпул»га қарши ўйин қайдномасидан жой олади.

Эслатиб ўтамиз, 17 декабр куни «Энфилд»да ўтадиган учрашувни манчестерликлар сардори Бруну Фернандеш дисквалификация сабабли ўтказиб юборади.