Луис Суарес «Интер Майами»га ўтиш эҳтимолини баҳолади. 

«Гремио»ни тарк этган форвард МЛС клуби билан бир йиллик шартнома имзолаши ҳақида хабар берилганди.

«Бу борада кўп жамоалар айтилган ва биз шундай миш-мишлар билан яшашимиз керак. Таклифлар ҳақида юристим билан гаплашаман. Бразилия чемпионати тугагунига қадар бунга киришишни хоҳламадим.

«Интер Майами» варианти бўлиши мумкин. Дунёнинг энг яхши футболчиси ва менинг ажойиб дўстим (Лионел Месси) у ерда. У билан доимо келажакни муҳокама қиламиз, лекин мен ҳали дам олишим керак. Кейин қарор қабул қиламан», — дея Суареснинг сўзларини келтиради Goal.