«Бавария» бош мураббийи Томас Тухел Бундеслига 14-турида «Айнтрахт»дан учралган йирик мағлубиятдан (1:5) сўнг ўз фикрларини билдирди. 

«Яхши ўйнамадик ва кўп хатоларга йўл қўйдик, бунинг учун қаттиқ жазоландик. Биз бунга имкон бердик.

Энди ўзимизга савол беришимиз керак: қандай қилиб ўйинни ёмон бошладик? Сафар ўйинларида ғалаба қозониш учун иштиёқ, ғазаб ва енергия етарли бўлиши керак. Бугун улар йўқ эди. 

Ўзимизга танқидий қарашимиз керак. «Айнтрахт»га қарши ўйинда омон қолиш учун етарлича ҳаракат қилмадик.

Бутун жамоанинг ўйини қониқарсиз бўлди, шу жумладан мени ҳам», — дея мюнхенликлар устозининг сўзларини келтиради клуб расмий сайти.