«Манчестер Юнайтед» бош мураббийи Эрик тен Ҳаг АПЛ 16-туридан ўрин олган «Борнмут» (0:3) билан баҳсдан сўнг мухлисларнинг ҳуштакбозлигига муносабат билдирди. 

«Мухлисларнинг ҳафсаласи пир бўлди ва улар ғазабда. Биз ҳам. Яхшироқ ўйнашимиз ва буни ҳар бир ўйинда қилишимиз керак.

Масъулиятни ўз зиммамга олишим керак. Беқарормиз. Бизда керакли қобилиятлар бор, лекин уни ҳар бир ўйинда кўрсатишимиз зарур. Бизга барқарорлик керак.

Кўплаб рақибларга қарши жуда яхши ўйин ўтказишимиз мумкин. Бунга қодирмиз, лекин буни ҳар 3 кунда қилишимиз керак.

Буни ҳар 3 кунда амалга ошириш учун стандартларимизни оширишимиз керак», — дея манкунианликлар устозининг сўзларини келтиради Daily Express.