«Астон Вилла» бош мураббийи Унаи Эмери «Арсенал» ва «Манчестер Сити» устидан  қозонилган минимал ҳисобдаги ғалабалардан мамнун.

«Ўзимни жуда яхши ҳис қиляпман, бахтлиман. Биз мухлислар билан бир тўлқиндамиз. Бу ижобий энергия бизга керак эди, чунки чоршанба кунги ўйиндан кейин чарчагандик.

Яхши курашдик ва мустаҳкам ҳимоя қурдик. «Сити» ва «Арсенал»га қарши ўйинларда дарвозамиз дахлсизлигини сақладик ва буни уддалаганимиз ҳайратланарли. Бугун биз хоҳлаганимиздан кўра чуқурроқ ҳимояландик, лекин курашишимиз керак эди ва буни кўрсатдик. 

Кучли саккизликка киришни хоҳлаймиз, лекин кўпчилик буни истайди. Топ-8дан жой олиш учун курашамиз», — дея бирмингҳэмликлар устозининг сўзларини келтиради ВВС.

«Астон Вилла» турнир жадвалида 35 очко билан 3-ўринни эгаллаб турибди ва пешқадам «Ливерпул»дан 2 очкога ортда қолмоқда.