Криштиану Роналду фаолиятидаги 1200-ўйинни «Ан-Наср» сафида ўтказиб, гол ва ассист муаллифига айланди.

38 ёшли португалиялик форвард «Ар-Риёд»га қарши учрашувда (4:1) юбилей баҳсини ўтказиб, гол ва ассисти билан жамоасининг йирик ғалабасига ҳисса қўшди.

«Навбатдаги уч очко! 1200-ўйинимгача етиб келишимга ёрдам берган барча жамоадошларимдан миннатдорман.

Ажойиб саргузашт! Аммо биз ҳали ишимизни якунламадик», - дея ёзади Криштиану Роналду.

Маълумот учун, португалиялик 38 ёшли форвард фаолияти давомида «Спортинг», «МЮ» (икки марта), «Реал», «Ювентус» клублари шарафини ҳимоя қилган.