Аммо Россиянинг Украинага бостириб киришини оммавий равишда қўллаб-қувватлаган ва қуролли кучлар билан амалдаги шартномасига эга бўлган спортчилар Олимпиада ўйинларида иштирок этолмайди. 

Халқаро олимпия қўмитаси (ХОҚ) россиялик ва беларуслик спортчиларга 2024 йилда Парижда бўлиб ўтадиган ёзги Олимпиада ўйинларида нейтрал мақомда иштирок этишига рухсат берди. Яъни улар ўз мамлакати номи ва байроғи остида иштирок этолмайди. Шунингдек улар шарафига давлат мадҳияси ҳам янграмайди. 

Улар фақат индивидуал спорт турлари бўйича мусобақаларда қатнаша олади, Россия ва Беларус жамоавий баҳсларда қатнашмайди. 

Шунингдек, Россиянинг Украинага бостириб киришини оммавий равишда қўллаб-қувватлаган ва қуролли кучлар билан амалдаги шартномасига эга бўлган спортчилар Олимпиада ўйинларида иштирок этолмайди. 

Россия ва Беларус амалдорлари ва расмийлари Олимпиадага таклиф қилинмайди. 

The Insider аввалроқ ёзганидек, Россия олимпия қўмитаси 2023 йил октябрь ойида Украинанинг босиб олинган ҳудудларидан Олимпия кенгашлари киритилгани сабабли номаълум муддатга ҳаракатда иштирок этишдан тўхтатилган эди. Шу билан бирга, март ойида ХОҚ Украинадаги урушни қўллаб-қувватламайдиган, балки нейтрал мақомда бўлган россиялик ва беларуслик спортчиларга мусобақага киришга рухсат беришни тавсия қилган эди. Қарор 2024 йилги Олимпиадага тааллуқли эмас, ташкилот қарорни кейинроқ эълон қилишни режалаштирмоқда.

Август ойида Украина бош вазири Денис Шмигал Россия ва Беларус спортчиларига рухсат берилса, дунёнинг 35 давлати Олимпиадани бойкот қилишини айтган эди.