«МЮ» бош мураббийи Эрик тен Ҳаг Жейдон Санчо қачон таркибга қайтиши мумкинлигини айтди.

Англиялик яримҳимоячи бош мураббий билан келишмовчиликдан кейин сентябр ойида «Манчестер Юнайтед» таркибидан четлатилганди. 

«Жейдон таркибга қайтиш учун нима қилиш кераклигини билади. Ҳаммаси фақат унинг ўзига боғлиқ. Гап клубдаги анъаналар ҳақида кетмоқда, ҳар бир футболчи маълум стантдартларга риоя этиши шарт», - дейди нидерландиялик мутахассис. 

Аввалроқ, Санчо таркибга қайтиш учун мураббийдан узр сўраши кераклиги айтилганди. 

Эслатиб ўтамиз, Тен Ҳаг Жейдон жисмоний жиҳатдан тайёр эмаслиги ҳақида гапиргач, футболчи ижтимоий тармоқлар орқали мураббийнинг сўзлари тўғри эмаслигини айтиб, уни ёлғон гапиришда айблаганди. Шундан кейин таркибдан вақтинчалик четлатилган эди.