08.12.2023 16:28
706
Магуайр АПЛда ойнинг энг яхши ўйинчиси деб эълон қилинди

АПЛ расмий сайти ноябр ойи якунларига кўра, ойнинг энг яхши ўйинчиси номини расман эълон қилди.

Англия Премьер-лигаси ноябр ойи якунларига биноан, Ҳарри Магуайр ойнинг энг яхши ўйинчисига айланди.

Ўтган ойда «Манчестер Юнайтед» ҳимоячиси Ҳарри Магуайр АПЛда 3 учрашувда майдонга тушган ва 3 ғалаба билан бирга жамоаси дарвозаси дахлсиз қолишига ҳисса қўшганди.

Англиялик ҳимоячидан ташқари яна 5 футболчи – Жереми Доку («Манчестер Сити» – 3 ўйинда 1 гол ва 4 ассист), Энтони Гордон («Ньюкасл» – 3 ўйинда 2 гол ва 1 ассист), Томас Камински («Лутон» – 3 ўйинда 15 сэйв), Раҳим Стерлинг («Челси» – 3 ўйинда 2 гол ва 1 ассист), Маркус Тавернье («Борнмут» – 3 ўйинда 2 гол) ҳам номзодлар сафидан ўрин олганди.

Маълумот учун, ўтган уч ой давомида Жеймс Мэддисон («Тоттенҳэм»), Сон Ҳён Мин («Тоттенҳэм») ва октябр ойида Муҳаммад Салоҳ («Ливерпул») энг яхши ўйинчига аталган совринга эга чиққанди.

Турнир жадваллари
Team
W D L Pts
Сўнгги янгиликлар
Долзарб хабарлар