Эндрик Бразилияда мавсум якунидаги тақдирлаш маросимининг асосий қаҳрамонларидан бирига айланди. 

«Палмейрас» ҳужумчиси «йил кашфиёти» деб эътироф этилди. Шунингдек, чемпионатдаги энг чиройли гол учун соврин олди — у 31-тур баҳсида «Ботафого» (4:3) дарвозасини соло юриши билан ишғол этганди. 

Маълумот ўрнида,«Палмейрас» қаторасига иккинчи бор Бразилия чемпионлигини қўлга киритди ва Эндрик жамоанинг муваффақиятида муҳим рол ўйнади.

17 ёшли форвард «Реал»га тегишли ҳисобланади ва ёзда Мадрид клуби сафига қўшилади.