«Челси» бош мураббийи Маурисио Почеттино АПЛ 15-туридан ўрин олган «Манчестер Юнайтед» (1:2) билан ўйиндан кейин ўз фикрларини билдирди. 

«Рақиб ғалабага ҳақли эди. Беллашув бошида қийин кечди, рақиб жуда тетик ҳаракат қилди. Якшанба куни ўйнадик ва бизда тайёргарлик кўриш учун бир кун камроқ вақт бор эди. Шу боис ўйинни ўзимиз хоҳлагандек бошлашимиз қийин бўлгандир.

Ўйинда қолиш учун етарлича имкониятлар яратдик. Иккинчи бўлимни яхши бошладик, аммо кейин тўп ўтказиб юбордик, сўнг қийин бўлди.

Барча футболчиларнинг қайтишини ва ўйин савиясини оширишни кутишимиз керак. Бизга савияни кўтаришга ёрдам берадиган, муаммонинг ечимига айланадиган футболчилар керак.

Ўйинга баҳо бериш қийин, чунки «Манчестер Юнайтед»да тикланиш учун қўшимча кун бор эди.

Ҳаммасини Палмернинг елкасига қўя олмайсиз, у ҳали жуда ёш. У трансфер ойнасининг сўнгги кунида бизга ёрдам бериш учун келди. У яхши гол урди», — деди Лондон клуби устози Amazon Prime эфирида.