Ферран Торрес яқин муддатда «Барселона»ни тарк этиш ҳақида ўйламоқда.

АS хабарига кўра, футболчининг агентлари ва Хави бошчилигидаги мураббийлар штаби ўртасидаги муносабатлар бузилган. 

Бундан ташқари Ферраннинг атрофидагиларнинг фикрича, 2022 йилнинг қишида уни сотиб олишни хоҳлаган спорт директори Матеу Алеманининг кетиши билан ҳужумчи Каталония клубида қўллаб-қувватловни йўқотди. 

Қайд этилишича, вазиятга январ ойида жамоага келиб қўшиладиган Витор Роке билан шартнома имзолангани ҳам таъсир кўрсатган. 

23 ёшли испан «Барселона» билан савдолашмоқчи эмас, у ўз хоҳиши билан клубни тарк этишни афзал кўради.

Ферраннинг каталонияликлар билан шартномаси 2027 йилгача мўлжалланган.

Бу мавсумда ҳужумчи Ла Лиганинг 14та ўйинида 3 та гол урди.