Sky Sports хабарига кўра, «Манчестер Юнайтед»нинг кўплаб футболчилари бош мураббийдан норози.

«Менинг маълумотларимга кўра, баъзи футболчилар нима бўлаётганини тушунишмаяпти. Тен Ҳаг кийим алмаштириш хонасида ишончни йўқотди. Бир манба менга бу йўқотиш тахминан 50 фоиз эканлигини айтди.

Ўйин услубидан норози футболчилар етарлича. Улар, шунингдек, машғулотлар жуда қийин ва югуришлар жуда кўп деб ўйлашади. Футболчилар нима учун югуришларини тушунишмайди. 

Бундан ташқари, баъзи тажрибали ўйинчилар тен Ҳаг билан гаплашишди. Уларнинг фикрича, мураббий футболчилар билан бироз яхшироқ ишлай олади.

Баъзи ўйинчилар мураббийни ўз принципларига ўта ёпишиб олган деб ҳисоблашади. 

Шунингдек, айрим футболчилар Жейдон Санчога нисбатан муносабатдан норози. У ёшлар билан машғулот ўтказади ва ёлғиз овқатланади. Ҳар доим норозилар бўлади, лекин жамоа мағлубиятга учраганда, уларнинг сони жуда кўпаяди», — дейди журналист Каве Солекол.