Даниэл Карвахал жароҳат туфайли йил охиригача сафдан чиқди.

«Реал» ҳимоячиси Ла Лиганинг 15-турида «Гранада» билан ўйинда (2:0) мушакларида ноқулайлик сезди. Душанба куни Дани текширувдан ўтди, натижада унинг мушаклари шикастлангани аниқланди.

АS нашри хабарига кўра, 31 ёшли испан тахминан бир ойни ўтказиб юборади — у «Бетис», «Унион», «Вилярреал», «Алавес», «Маллорка»га қарши ўйнамайди ва январ ойида бўлиб ўтадиган Испания кубоги баҳсида ҳаи иштирок этмайди.

«Реал» 10 январ куни Испания Суперкубоги яримфиналидан ўрин олган «Атлетико»га қарши ўйингача Карвахалнинг тўлиқ тикланишига умид қилмоқда.