Евро-2024да Adidas компаниясининг юқори технологияли тўпи қўлланилади.

Унга гол уриш пайтида тўп қўлга тегган-тегмаганлигини аниқлашга ёрдам берадиган микрочип ўрнатилган бўлади.

Чип оёқ-қўлларни кузатиш технологияси билан ишлайди, бу эса ўйинчи танасининг уч ўлчамли тасвирини яратиш ва тўп айнан қаерга тегганини аниқлаш имконини беради.

Қўл билан ўйинни аниқлашнинг янги тизими ишлаётганини кўрган ҳакамлар The Times'га берган интервюларида аниқлик даражасидан ҳайратда қолишганини айтишди.

Микрочип, шунингдек, ҳакамларга офсайд бор ёки йўқлигини аниқлашга ёрдам беради.

Технология 2024/25 йилги Чемпионлар Лигасида қўлланиладими ёки йўқми, ҳозирча аниқ эмас. Бу унинг юқори нархи билан боғлиқ.