«Манчестер Сити» бош мураббийи Хосеп Гвардиола АПЛ 14-туридан ўрин олган «Тоттенҳэм» (3:3) билан баҳсдан кейин ўз фикрларини билдирди. 

«Ўйин яхши чиқди, асосийси — шу. «Ливерпул» (1:1) билан ўйиндан кейин бўлгани каби афсусланиш ҳам бор, чунки бугун биз жуда яхши мураббий бошчилигидаги ажойиб жамоага қарши ҳар томонлама зўр ўйнагандек туюлди. 

Кўплаб вазиятлар яратдик, агрессив ҳаракат қилдик ва диққатни жамладик. Ҳамон жадвалнинг юқори қисмида бўлишни хоҳлаётганимизни ҳис қиляпмиз.

Афсуски, баъзида футбол ҳаётга ўхшайди: ўзингизга муносиб бўлганини олмайсиз», — деди «шаҳарликлар» устози Sky Sports эфирида.