Витор Роке «Барселона» сафига 2024 йил бошида келиб қўшиладиган бўлди.

«Атлетико Паранаэнсе» клуби расмий сайти «Сантос»га қарши ўйин 18 ёшли бразилиялик ҳужумчи учун жамоа сафидаги сўнгги учрашув бўлишини маълум қилди. 4 декабрги кунги баҳсдан кейин Роке клубдошлари билан хайрлашади ва қишда «Барселона» сафига қўшилади.

Аввалроқ, «Барса» Рокени жароҳати сабабли сафдан чиққан Гавининг ўрнига рўйхатдан ўтказмоқчи экани ҳақида хабар қилинганди. 

Эслатиб ўтамиз, Роке режа бўйича 2024 йилнинг ёзида Каталонияга кўчиб ўтиши белгиланган эди.