Нико Уилямс «Атлетик»да ўйнашда давом этади. 

21 ёшли вингер келаси ёзда тугаши керак бўлган шартномасини 2027 йилгача узайтирди.

Испания миллий жамоаси футболчисига «Реал», «Барселона», «Манчестер Сити» ва «Ливерпул» клублари қизиқиш билдиришаётганди. 

Нико Билбао клуби сафида 96та ўйин ўтказиб, 13та гол урган. У бу мавсумда Ла Лигада 5та голли узатмани амалга оширди ва ушбу кўрсаткич борасида «Хетафе»даги Диего Рико, «Вилярреал» аъзоси Алекс Баэна ҳамда «Атлетико»даги Саул билан биргаликда етакчи бўлиб турибди. 

Эслатиб ўтамиз, «Атлетик»да Никонинг 29 ёшли акаси — ҳужумчи Иняки Уилямс ҳам ўйнайди.