«Ювентус» бош мураббийи Массимилиано Аллегри А Серия 14-туридан ўрин олган «Монца»га (2:1) қарши баҳсдан сўнг ўз фикрлари билан ўртоқлашди. 

«Наполи» ҳам «Милан» сингари чемпионлик пойгасига қайтиши мумкин. Мавсум узоқ давом этади. Биз вазиятдан фойдаланишимиз керак. Бу йигитларга ёрдам бериш, қўллаб-қувватлаш керак, чунки улар муҳим ишларни қилишмоқда. Мақсадимиз — Чемпионлар лигасига қайтиш.

Кучли рақиб устидан муҳим ғалабага эришдик. Агрессив ҳаракат қилдик ва биринчи бўлимда 2:0 ҳисобида олдинда боришга яқин тургандик. Карбони якунда биз учун ғалати гол урди, лекин бунга йигитлар яхши муносабатда бўлишди.

Ғалаба қозониш осон эмас, биз чегараларимизни биламиз. Данило, Локателли, Алекс Сандроларнинг тикланишига имкон беришимиз керак. Бу жамоа муҳим ишларни амалга оширмоқда ва агар биз турнир жадвалида 1-ўринда қолишни истасак, тўхтай олмаймиз», — дея туринликлар устозининг сўзларини келтиради Eurosport. 

«Юве» ғалабадан сўнг очколарини 33тага етказиб, «Интер»ни (32) ортда қолдирган ҳолда 1-ўринга кўтарилди.